ყოველდღიურად იმდენი ამბით ვიბომბებით, რომ ხანდახან მთავარი გვავიწყდება — ნებისმიერ ინფორმაციას სჭირდება სანდო წყარო. დღევანდელ სამყაროში, როცა ჩვენი გონება ციფრულ ველზე პროპაგანდისა და ყალბი ამბების სამიზნეს წარმოადგენს, კრიტიკული აზროვნება ძალიან მნიშვნელოვანია. ამ თამაშით ვეცადეთ, მარტივი და ნაცნობი სიტუაციებით გვეჩვენებინა შენთვის, თუ რა გზას გადის დეზინფორმაცია, სანამ შენი მობილურის თუ კომპიუტერის ეკრანზე გამოჩნდება.

თამაშში შენ ყალბი ამბების გამავრცელებელი გამოცემის რედაქტორის როლს ირგებ. შენი მიზანია, ყველანაირი ეთიკა დაივიწყო და ისეთი ტაქტიკა აირჩიო, რომელიც შენი სიცრუის ქსელის გაზრდაში დაგეხმარება და გავლენიან მედია-მაგნატად გაქცევს. არ დაგავიწყდეს, მუდმივად აკონტროლო “მინიონებისა” და “ნდობის” მაჩვენებლები. შენი მიზანია, რაც შეიძლება მეტი თანამოაზრე შემოიკრიბო, მაგრამ ფრთხილად იყავი: თუ ზედმეტად დაუჯერებელ ტყუილებს გაავრცელებ, ან მიმდევრებს პასიურობით იმედს გაუცრუებ — წააგებ.

“ააშენე სიცრუის იმპერია” 2018 წელს გამოსული ცნობილი თამაშის, Get Bad News-ის ქართული ვერსიაა, რომელსაც “ყალბი ამბების წინააღმდეგ ვაქცინას” უწოდებენ. Get Bad News-ის შექმნაში კემბრიჯის უნივერსიტეტის მკვლევრები მონაწილეობდნენ და მის მიერ გამოყენებული ტაქტიკის ეფექტურობა კვლევებით დასტურდება.

თამაში მოამზადა On.ge-მ აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის ფარგლებში. მასალის დამზადება შესაძლებელი გახდა ამერიკელი ხალხის მხარდაჭერის შედეგად ამერიკის შეერთებული შტატების საერთაშორისო განვითარების სააგენტოს (USAID) დაფინანსებით. მის შინაარსზე პასუხისმგებელია On.ge. ის შესაძლოა არ გამოხატავდეს EWMI-ს, USAID-ის ან/და ამერიკის შეერთებული შტატების შეხედულებებს.

პროექტის ავტორი:

On.ge

დიზაინი:

ForSet, ირაკლი ჭუმბურიძე

დეველოპმენტი:

გიო მოსაშვილი, დავით სავანელი